慈沙古道-沙田坳道-飛鵝山道-東洋山-蠔涌

今日好天。食完都預備去行吓。九點左右著好衫出門。又係去沙田圍。

都係行同一路線。

照舊行去飛鵝山道。

到扎山道口，見有班人行過黎，梗係翠綠班人。翠綠今日行飛鵝山。扎山道上倚天脊啩？過象山，落飛鵝山道。呢班都應該係B隊唔上飛鵝山嘅。

遠望見有班人落緊東山。

自己落東洋山。

 呢個可能係pillbox 126

仲係有一大群蜜蜂喺棵樹上。

今日練習落山技巧。先屈後腳，前腳伸直。用後腳屈曲坐低個身，然後前腳掂地，噉就唔會一味撞倒個膝蓋。

今日落山只係撞到一個人。

入橫山徑去基維爾營嘅路口。

原來有間「漢英學校」

都係搭小巴去西貢食飯。