慈沙古道-獅子亭-沙田坳道-觀坪路-百萬大道-大老山隧道轉車站

出門去沙田圍。今日打算行上獅子亭。都要運動吓。

行河邊去沙角邨。

開始上山。

搭電梯上水泉澳行吓。搭左電梯上天橋嗰層，又坐𨋢落返地下。

最後過左馬路，再搭𨋢上去水泉澳。

兜左個最大嘅圈至到個路口。

行左好大個圈至開始上山。

行左五十分鐘就到獅子亭。

跟住行沙田坳道去觀坪道。

去到觀坪路口。想話去行百萬大道落大老山隧道。

落左小小。驚有狗，走返上去路口。撞到一個阿叔。佢搵緊人，問我見唔見。傾開佢都係一陣間落百萬大道。我話驚狗，佢話唔使驚。既然佢都落，噉我就一個人行先。就喺路口執一支枯枝，揸住壯吓膽。

想話攞支竹仔返屋企，要黎撐返起棵「碧玉」。拗左一支。

沿途都好靜，真係一個人都冇。只係遇到兩只狗。

到崗背。

已經去到草堆下。有啲緊張。

終於到路口。冇狗黎。定晒。掉左支枯枝。

慢慢落山。未夠鐘飲茶。

撞到一條友喺度舞棍。我就喺佢附近再拗左一支竹。

同呢個阿嬋一齊行落山。佢上黎攞水。

拗左支竹之後，雙手好痕。梗係有啲蛩。落到馬麗口坑，即去搵啲山水沖吓兩支竹，再浸吓隻手，希望浸走啲蛩。阿嬋話佢一行山痕，就攞呢棵野嘅葉捽下。佢摘左啲畀我捽。我就試吓。都得啩。其實我浸左水，應該啲蛩死左或走左就唔痕啦。

同阿嬋行到呢度就分手。一路落去河邊出第一城。

去公園公廁換左件衫。然後行去石門。