昂平

搭地鐵去東涌。即轉23號上昂平。睇左地圖，喺「山海亭」落車。預備行一個站上昂平。

返轉頭睇吓深屈路口。

觀音山。

入個亭睇吓風景。

睇返前日行嗰條脊。呢個係412山頭

遠看象山。

轉個彎就到昂平。

突然醒起去搵昂平東面山門。應該未到。因為一路上黎地形都唔似。終於就喺污水處理廠前望到。

走過去，行去睇下。

影完返出去。

呢條徑好靜，都係唔行好過。

既然來到，就入市集看看。

入左去漁護署嘅昂平自然教育中心。裡面冇人，同兩個職員打牙駮。睇佢地都冇野做。我問佢地系咪地圖專登唔畫齊啲山路，又問鳳凰徑四段會唔會復修。跟住問吓佢地有冇導賞團。佢地話都有嘅，都有啲人參加，都係啲外地返黎睇吓嗰啲。我問有乜野介紹，佢地話都係一啲簡單嘅植物，佢識就講吓囉。我問幾點有團，佢話兩點。我話我都閃左咯。

入寶蓮寺。我好耐冇入。

 都十一點十咯，就去齋堂買飛食飯。嘩！加左價。最平一百一十蚊！

一碗冬瓜去濕水。呢三碟野同幾年前一樣！

呢張系零八年三月廿五日食嘅。一模一樣！

食完飯，就行吓昂平。

行去茶園、心經簡林。

茶園餐廳執左。

想影晒經篇心經。

都係睇唔晒。

行左上條山路。CHECK吓MYMAPHK，原來通去木魚山。今日一個人，對鞋滑，都係唔去探。下次先。

落返黎，行奇趣徑。 

到東山法門。見到一個阿叔。問我點去「伯公坳」。我話一係爬鳳凰山，一係行去地塘仔，再直去上舊東涌道。佢原來攞住本行山書搵路行！

兜返去寶蓮寺。

朱維德話四隻腳叫牌坊，兩隻腳叫山門。睇真啲，原來東面山門嗰兩對對聯刻左喺個牌坊。

都一點半點，搭23號巴士出東涌。